💥 उद्रेक न्युज

  उद्रेक न्युज वृत्त  देसाईगंज(गडचिरोली):- देसाईगंज तालुक्याच्या शिवराजपुर-उसेगाव शेतशिवारातील कुसुम येलतुरे यांच्या शेताजवळ एका अज्ञात इसमाने गळफास घेऊन आत्महत्या केल्याची घटना आज,शनिवारी १९ ऑक्टोंबरच्या दुपारी उघडकीस आल्याने परिसरात एकच खळबळ उडाली आहे. मिळालेल्या माहितीनुसार,शिवराजपुर-उसेगाव शेतशिवारातील कुसुम येलतुरे यांच्या शेताजवळील एका झाडाला अज्ञात इसमाने दोरीच्या सहाय्याने गळफास घेऊन आपली जीवन यात्रा संपविली आहे. अनोळखी व्यक्तीचे अंदाजे वय ३० वर्षे असून अंगात पांढऱ्या रंगाची टी-शर्ट व निळ्या रंगाचे जीन्स पँट घातलेले आहे.पोलिसांनी दिलेल्या माहितीनुसार,सदर व्यक्तीची अजून पर्यंत ओळख पटलेली नसून इसमाच्या पँटच्या खिशात केवळ गुटख्याची पुडी मिळाली असल्याचे बिट अंमलदार मदन मडावी यांनी सांगितले.सदर व्यक्तीने आत्महत्या का केली व ती व्यक्ती कुठली आहे; या बाबत पोलिसांनी तपास केला असता अद्याप कुठलाही सुगावा लागलेला नाही.

उद्रेक न्युज वृत्त  चंद्रपूर :- जनावरांना चारण्यासाठी जंगलात घेऊन गेलेल्या एका गुराख्यावर वाघाने हल्ला करून ठार केल्याची घटना काल,मंगळवारी ३ सप्टेंबर रोजी  दुपारी एकच्या सुमारास सावली वनपरिक्षेत्रातील राजोली मरेगाव शेतशिवरात घडली.वासुदेव झिवरू पेंदोर वय ६० वर्षे,रा.मरेगाव असे गुराख्याचे नाव आहे. मूल तालुक्यातील मरेगाव येथील वासुदेव पेंदोर आपल्या बैलांना चारण्यासाठी सावली वनविभागाच्या राजोली क्षेत्रातील मरेगाव येथील सर्व्हे नं.१११ मध्ये गेले होते.शेतशिवाराला लागून असलेल्या जंगलात दबा धरून बसलेल्या वाघाने त्यांच्यावर अचानक हल्ला केला.या हल्ल्यात त्यांचा जागीच मृत्यू झाला. काही अंतरावरच असलेल्या अन्य गुराख्यांसमोरच ही घटना घडल्याने त्यांनी गावात जाऊन ही माहिती दिली.घटनेची माहिती मिळताच पोलिसांसह सावलीचे वनपरिक्षेत्राधिकारी विनोद धुर्वे घटनास्थळी दाखल झाले.घटनास्थळी पंचनामा करून मृतदेह मुल येथील उपजिल्हा रुग्णालयात शवविच्छेदनासाठी पाठविण्यात आला.सावली वनविभागातर्फे मृताच्या कुटुंबियांना २५ हजाराची तात्काळ आर्थिक मदत करण्यात आली.आतापर्यंत तीन ते चार गुराखी शेतकरी वाघाच्या हल्ल्यात ...

  उद्रेक न्युज वृत्त  कोंढाळा(देसाईगंज) :- गडचिरोली जिल्ह्याच्या देसाईगंज तालुक्यातील कोंढाळा गावात वाघाने एंट्री केल्याची घटना आज,९ ऑगस्ट रोजी सकाळच्या सुमारास उघडकीस आल्याने नागरिकांमध्ये भीतीचे वातावरण पसरले आहे. कोंढाळा गावापासून आरमोरी-गडचिरोली मार्गे अवघ्या ३०० मीटर अंतरावर जंगल परिसर लागून आहे.जंगल परिसरात मागील गेल्या सहा ते सात वर्षांपासून हिंस्त्र प्राण्यांचा वावर वाढलेला दिसून येतो आहे.यापूर्वी वाघाच्या हल्ल्यात कोंढाळा गावातील अभिमन झिलपे व लव्हा मेश्राम जागीच ठार झाले होते.तर एक इसम शेतावर जात असतांना वाघाशी दोन हात करून थोडक्यात बचावला होता.अशातच आता आज ९ ऑगस्टला बसस्थानक नजिक परिसरात वास्तव्यास असणारे सुनील धाकडे यांच्या घरासमोरील अंगणात वाघ वा वाघिणीचे पगमार्क आढळून आल्याने एकच खळबळ उडाली आहे.पगमार्क केवळ अंगणातच आढळून आले नाहीत तर मुख्य मार्गावरून लागूनच असलेल्या स्मशानभूमी परिसरातील बीएसएनएल टॉवर आणि नहराच्या चिखलात दिसून आले आहेत.सध्या स्थितीत कोंढाळा जंगल परिसरात वाघ,वाघीण व तिचे तीन पिल्ले असल्याची माहिती आहे.कदाचित वाघिणीचे पिल्ले भरकटल्याने पिल्ले व वाघी...

उद्रेक न्युज वृत्त  देसाईगंज(गडचिरोली) :- राष्ट्रीय ओबीसी महासंघाचे नववे राष्ट्रीय अधिवेशन ७ ऑगस्टला पंजाबमधील अमृतसरच्या गुरुनानक देव विद्यापीठाच्या ज्युबिली कन्व्हेन्शन सेंटरमध्ये आयोजित करण्यात आले होते.या अधिवेशनाला गडचिरोली जिल्ह्यातील मोठ्या प्रमाणावर ओबीसी बांधवांनी हजेरी लावली. अधिवेशनाला आरमोरी विधानसभा क्षेत्रातील देसाईगंज,कुरखेडा,कोरची व आरमोरी तालुक्यातील तालुकाध्यक्षांसह काँग्रेस नेते रामदास मसराम यांनीही उपस्थिती दर्शवित दिल्ली येथे गडचिरोली-चिमूर लोकसभा निर्वाचन क्षेत्राचे खासदार डॉ.नामदेव किरसान यांची  भेट घेतली. खासदार नामदेव किरसान यांच्याशी चर्चा करतांना काँग्रेस नेते रामदास मसराम  भेटी दरम्यान गडचिरोली जिल्ह्यातील मोदी आवास योजनेतील लाभार्थ्यांचे रखडलेले अनुदान,रोजगार हमी योजनेच्या मजुरांची मजुरी,निराधार योजनेचे अनुदान,अतीवृष्टीमुळे शेतकऱ्यांचे झालेले नुकसान व इतर समस्या संदर्भात चर्चा करून तातडीने सोडविण्यात याव्यात; अशी मागणी केली आहे.प्रसंगी खासदार किरसान यांनी याबाबत संसदेत लक्षवेधून शक्य तितक्या लवकर समस्यांचे निराकरण करण्यात येणार असल्याचे म्हटले...