दिल्ली येथे खासदार किरसान यांची काँग्रेस नेते रामदास मसराम यांनी घेतली भेट.. गडचिरोली जिल्ह्यातील समस्या सोडविण्याबाबत केली चर्चा....

उद्रेक न्युज वृत्त 

देसाईगंज(गडचिरोली) :-राष्ट्रीय ओबीसी महासंघाचे नववे राष्ट्रीय अधिवेशन ७ ऑगस्टला पंजाबमधील अमृतसरच्या गुरुनानक देव विद्यापीठाच्या ज्युबिली कन्व्हेन्शन सेंटरमध्ये आयोजित करण्यात आले होते.या अधिवेशनाला गडचिरोली जिल्ह्यातील मोठ्या प्रमाणावर ओबीसी बांधवांनी हजेरी लावली. अधिवेशनाला आरमोरी विधानसभा क्षेत्रातील देसाईगंज,कुरखेडा,कोरची व आरमोरी तालुक्यातील तालुकाध्यक्षांसह काँग्रेस नेते रामदास मसराम यांनीही उपस्थिती दर्शवित दिल्ली येथे गडचिरोली-चिमूर लोकसभा निर्वाचन क्षेत्राचे खासदार डॉ.नामदेव किरसान यांची 

भेट घेतली.

खासदार नामदेव किरसान यांच्याशी चर्चा करतांना काँग्रेस नेते रामदास मसराम 

भेटी दरम्यान गडचिरोली जिल्ह्यातील मोदी आवास योजनेतील लाभार्थ्यांचे रखडलेले अनुदान,रोजगार हमी योजनेच्या मजुरांची मजुरी,निराधार योजनेचे अनुदान,अतीवृष्टीमुळे शेतकऱ्यांचे झालेले नुकसान व इतर समस्या संदर्भात चर्चा करून तातडीने सोडविण्यात याव्यात; अशी मागणी केली आहे.प्रसंगी खासदार किरसान यांनी याबाबत संसदेत लक्षवेधून शक्य तितक्या लवकर समस्यांचे निराकरण करण्यात येणार असल्याचे म्हटले आहे.